ҳҲҳ كورسـ لغهـ حجـآزيهـ ҳҲҳ

.
.

ذا يا سادة ياكرام كورس لغة لازم تتعلموه قبل ما تجي جده ومكة

لانه بيكون هناك امتحان

TOFFEL

لازم تعدوه بنسبة 500/1000

الله معاكم

.
.

اللهجة الحجازيه على مر العصور

اللهجة الحجازية :

هي لهجة أهل المنطقة الغربية في السعودية وتتمركز بالذات
في مكه وجده والمدينة والقرى القريبة منها اكثر من باقي المدن اللي في الغربية وهي لهجة تأخذ من اللهجة البدوية و اللهجة المصرية ولكنها تميل الى المصرية والسبب انه ايام العثمانيين كان فيها مصارية كتير قد الجبل

وطبعا تختلف لهجة العجايز عن الجيل الحاضر ..

لهجة العجايز تحسوها معتقة ومصطلحاتها القديمة ما تنفهم وما يستخدموها الا عتقية البلد اما الشباب حقون دحين ما عاد صار يستخدموها .

وكمان ما ننسى ان اللهجة الحجازية فيها الكثير من الأمثال القيمة

.
.

وبسم الرحمن نبدأ في بعض ما تختص

بيه لهجتنا الحجازية الغاليه :

مصطلحاتنا :

في كثير من المصطلحات الحجازية اللي من الصعب انو اي واحد غير حجازي يفهمها واتفضلوا هذي بعضها :

اندر بره || اخرج

العن سنسفيلك || اهزأك

اديلو || اعطيه

الدهليز || مدخل البيت

الكرتة || الفستان

الكندره || الجزمة اكرمكم الله

القنعه || العبايه

الكرويتة || دكة خشبية

الزقاق || الشارع الضيق

وأعتقد أنها أصبحت كلمة معروفة بفعل النزح المكاوي على المدن الأخرى، وهو المعروف عند أهل نجد بالدعتسوس الداعوس <---- زقاق أهون وربي

" باختصار هو الشارع الضيق "

دندرمة || ايس كريم و تراها مي سبّة تراها كلمه معروفة جداً، وبعد دخول التطور إلى الحواري المكّاوية أصبحت تعرف بالآيس كريم

دحديرة || نزلة او منحدر

الدبش || اغراض العروسة قبل لا تتزوج

القابلة || بكره || اللي تولد الحوامل

المملك || المأذون الشرعي

الدقيسي || الفراغ اللي تحت الدرج أو المخزن

المرقعة || الدلع والمياعه في الكلام والتصرف

يتتريق || يستهزء

اللغوصة || نقل الكلام وتسبيب المشاكل

الدحلسة || اذا كنت بتتمصلح مع واحد عشان تبغى منه شي تقول يدحلس

هججوني || ازعجوني

قوامن || بسرعه , حالاً

مضليون || طبعاً الكلمة هذي تحفة اللهجة المكاوية، وكانت النساء تتفاخر بمن تملك فيهن مضليون و المضليون هو البروش الألماس

الحرمصة || يقولك في غابر الغابرين ( واحد متحرمص على نتيجته) والمعنى العلمي لها هو عدم الاستقرار النفسي أو انتظار الشيء على أحر من الجمر

المرمشة || يمين بالله علينا كلمات فلّه

المرمشه || بفتح الميمين هي نهش ما على العظام من اللحم، أو نهش ما على أي شيء من أي شيء

الزبلحة || ياساتر على الكلمات اللي تودي فدهية، المهم الزبلحة هي قلة الأدب والتواقح في الكلام

العكننه || وهي التنكيد على شخص معين،

و في مصطلحات كتيرررررررررر غيرها .

.
.

.. " يتبـ ع " ..

2- أمثال حجازية :

|| إذا جيت رايح كتر من الفضايح.
او إذا جيت رايح كتر من الملايح

|| بعد ما أكل واتكا قال ريحته مستكا.

|| حاجه ما تهمك وصي عليها جوز أمك.

|| ست وجاريتين على قلي بيضتين.

|| أعمى ويلضم خرز.

|| دلع الكبار زي الشقدف على الحمار
يضرب هذا المثل لخروج العجوز عن وقاره وجديته

والشقدف عشان الاسئلة بس:ما كان يوضع على الجمل ليجلس فيه المسافرون

|| اللي ماله أم حاله يغم.

|| كنس بيتك ورشُو ما تدري مين يخشو.

|| الخايبة تتعلق بالحبال الدايبة.

|| أهري وانكتي يا جاره وأنا ثابته زي العماره.

|| شايل لنا طيران عبد القادر

|| لو لك شي عند الكلب قوللو يا سيدي

|| لا تقرصيني يا نحله ولا أبغالك عسل...

|| يحسدوا الفقير على موتة الجمعة

|| سكتنالو دخل بحمارووو

|| ما يقدروا على الحمار يقدروا على البردعة

|| اذا حلقوا لغيرك بل راسك واستنى

|| ايش عرف الحمير بأكل الجنزبيل

|| البيض الفاسد يدحرج على بعضو

|| اذا تعاندوا الحمير يا بخت الركاب

|| البيضه ما تداقش حجر

|| حبيبك يمضغ لك الزلط وعدوك يعد لك الغلط

|| حمارتك العرجة تغنيك عن سؤال اللئيم

|| داخل لبيت العروسه نادر من بيت العريس

|| ياريتني بيضه وعرجه اصلوا البياض فرجه(بضم الفا).

|| يااخد القرد بمالو يروح المال ويبقا القرد على حالو

|| الله من محبتو في عبيدو جعل العمر والرزق بيدو.

|| اللي يشوفني بعين اشوفوا باتنين.

|| مين يشوفك يالي في الضلام تغمز

|| على قد زيتو سرجلو

|| ماتعرف خيري ألين ماتجرب غيري

|| عقربة في الغار ولا ضُرة في الدار

|| فقير اتجوز فقيرة خلفوا وجع القلب

|| كبيرهم فلفل وصغيرهم زنجبيل واللي في الكوفلة يقول من العايدين

|| خاتم بفصو وكل شيء ترصو

|| خشوني لاتنسوني
ولعوا الشمعة وشوفوني

|| عمية تحفف مجنونة وتقولها حواجبك سودا ومقرونة

|| الصرمة والقبقاب صاروا أصحاب

|| يا داق الموية في المهراس يا مربي وليد الناس

|| كل عيش البخيل ولا تأكل عيش المنان

|| أدب ولدك وان زعلت امه

|| يابخت من بكاني وبكى الناس عليا ولا من ضحكني وضحك الناس عليا.

|| رضينا بالهم والهم ما رضي بينا

|| اتملت العدوة وقلت المروه

|| أكلوا الملوخية وصاروا أفندية

|| لمن كنا ما كانوا ولمن رقدنا قاموا

|| قالوا متى طلعت القصر قالوا أمس العصر

|| العروسه للعريس والجري للمتاعيس

|| سلامتك والهيل والقرنفل قمامتك

|| اللي يشيل قربه مخروقه تنقط على راسه

|| الحجر من الارض والدم من راسك

|| أخوانك من أمك زي الدهب في كمك و أخوانك من أبوك زي القوم لما ينهبوك

|| من بيت أصقع لبيت أرقع

|| مطبق العاده و معصوب كل يوم

|| في كل محضر بالتوب الاخضر

|| باب المجلس يقول باب السطوح ... اللي يجي يجي .. واللي يروح يروح

|| خليها في القلب تجرح و لاتخرج بره ترمح

|| الحر من غمزة والحمار من رفزه
يضرب هذا المثل لايضاح الفرق بين النبيه والبليد.

||حمار الحكومة حكومة
يضرب هذا المثل للموظف الصغير المتسلط على الناس

|| خطبوها اتعززت تركوها اتندمت
يضرب لمن يتظاهر بعدم الرغبة حينما يعرض عليه امر ولكنه يندم بعد فوات الاوان

|| كل حبه مسوسه لها كيال اعور

|| قلبي على ولدي انفطر وقلب ولدي عليا حجر.

|| و لا تنسوا ارضى بقردك لايجيك اللي أقرد منوو

|| الحب عياقة ...توب بلا ياقة

.
.

.. " يتبـ ع " ..

الالقااااااااااااااب :

عندنا في الحجاز وخصوصا مكه في اسماء يعطوها كنيه او لقب
على سبيل المثال واحد اسمو عبد الله يقولولو أبو عابد ... وهذي بعضها :

عمر || أبوسراج
حسن || أبو على
حسين || أبو هلال
يوسف || أبو يعقوب
عبدالله || عبادي او ابو عابد
عبدالرحمن || الوجيه
عبد الرحيم || أبو رحمه
فيصل || أبو عبدالله
عبد العزيز || عزيز أو ابو عزه أو ابوسعود
فاطمة || فتو
مريم || منّة
ابراهيم || أبو خليل

.
.

كمان الحجازيين فيهم اخلاق و احترام مافي بعدها

لما يطلب منك سكينه ايش يقول ؟

يقولك الله يخليك اديني سكينة في قلب العدو

لما يقلك كنت بأكل

يقلك كنت ب أتعشى مثلاً فضلة خيرك

..
.. " يتبـ ع " ..

اشياء و تراجمها :

بيت الما: وهو ما يعرف حاليا (بدورة المياه) وقد سماه الجيل الصاعد المكاوي الآن (الطهارة) وقد ورد انه تم التسمية هذه على أساس انه مكان كبير في البيت يوجد فيه الماء فسمي بـ بيت الما..
المركّب: بتشديد الكاف، وهو ما يسميه جميع الناس الآن (المطبخ) والى الآن يعتبر علماء اللغة العربية هذه التسمية من عجائب التسميات لأنه لا يوجد سبب معروف للتسميه هذه إلى الآن!!!!
الدقيسي: بتشديد الدال وكسرها وكسر السين، وهو ما يعرف بالمستودع ، يقول الكاتب
المكاوي (محمد يواد فلاته) أن التسمية تعود إلى الحرب العالمية الأولى حيث استخدم أول مره كمخزن للذخائر وسمي في مكة بالدقيسي ، وقد قام جيل 2000 من شباب وشابات مكة بتسميته بالمخزن بدافع التطور.
القرندي: بفتح القاف والراء وتسكين النون وكسر الدال <<<مشوار ها؟
وهذا نوع من أنواع مداعبة الأب المكاوي لابنه فعندما يناديه ويتأخر 3 ثواني يقله (بسرعة عساك القرندي)
ويفسر علماء الجن أن القرندي نوع من أنواع الجن وببساطه يدعي الأب على ابنه بالقرندي <<شفتو اللطافه.
الفقده: مفعول عشانه من فعل يفقد، وهذا نوع آخر من أنواع المداعبة وهي الخاصة بالأم المكاويه.
حيث تداعب أولادها بـ (تعال الله يفقدك)
توتوا: وهو نوع من أنواع المعادن المكتشفة في الاوديه المكاويه. ويستخدمونها المكاوية في تصنيع نوعين من الأشياء اللي تنحط فيها مويه للشرب وهو ما يسمونها زينا (الكاسه) ومو زينا (المغراف).
المغراف: هو نوع من أنواع الكاسات التوتوا ،
على طبطابي .. : يعني على مزاجي
مِرَسْتَكَه ..: يعني متأنتكه يعني مرة شياكة .. ومرتبّة

وايق : .... يعني طالع .... يعني مثلاً تقول .. : ( ياواد وايق زي الناس لا اهبدك باتقل شي قدامي ..
و لا أهبدك اللين أجدد ايمانك )
تزل ... : يعني تِمُرْ
مرحبمبك ... : يعني مرحبا بك .. بس باختصار شوية
باطِرمَة ... : يعني جلسة ... كنب حاجة زي كده ...
كَرَاوِيتَه : ... حاجة خشب كده ..... يحطوا عليها الباطرمة ....
مَدَارِيْه : ...... مراجيح ...
ندرت عينك من حُقّها ... : يعني خرجت عينك من محجرها .... كده ::]
شَلْمَه ...: يعني فجعه .. يعني مثلاً تقول ( اشبك ياواد مشلوم كده عالاكل ؟؟ ) .. ::]
قيّسْتَك : ... يعني حسّبتك .... توقعتك .... هقيتك
يعني مثلاً .. ( قيستك ياواد حتزل على عمتك فتّو ) ... وه ياستيته ..
بُخْنُق ... : اللي يتلبس في الراس ويكون مخيّط على قده ....
مِدَهْمَلْ : .... يعني مبهدل .... يعني مثلاً ( اشبك ياواد مدهمل كده .. لاتكون كنت بتلعب في المداريه ) ؟؟
دهليز : يعني محل كده زي اللي يكون قدام ابواب العماير من جوّه ....
زنبيل : ... يعني كيس ...
زلطة : .... سَلطة بعد التعديل ...
يدعك : ... يعني يفرك ... يعني مثلا .. ( ايش بتسوي يابت ... بادعك الاسورة .. روحي يابت عساكي بداعوك يدعك مصارين شيطانك غسلي الصحون بدل مانتي قاعدتلي كده لاشغله ولا مشغله .... )
مجغجغ : مليان مويه

.
.
.. " يتبـ ع " ..

لعيونكم كمان محادثه مكاويه :

ماجد ابو صدقه / يواد يامعمر
عمر ابو سراج / هلا مجود

ماجد ابو صدقه / كيف الحال والتحوال
عمر ابو سراج / خليها على ربك ياشيخ

ماجد ابو صدقه / بلا في شكلك ... خاربها من بدري ... اشبك
عمر ابو سراج / لا بس البزوره جابولي القلق

ماجد ابو صدقه / صفقهم احسن لك
عمر ابو سراج / يابن الحلال الحرمه دي زي المرض قاعدتلي

ماجد ابو صدقه / من جد ... المهم رايح القهوة
عمر ابو سراج / قدام ... والله مره أبغى أروق المنجا

ماجد ابو صدقه / هه مايبغالك الا باعشن]
عمر ابو سراج / من جد ... سرينا

ماجد ابو صدقه / خلاص بعد نص ساعه أزل عليك
عمر ابو سراج / هيا لا تتحير ... تراها واصله معايا

ماجد ابو صدقه / بس ترا مفلس
عمر ابو سراج / لا تشيل هم .. انا منقرش

ماجد ابو صدقه / الله عليك ياعمده .. او كي يالله أواجهك هناك
عمر ابو سراج / على خير

.
.

هذا اللي عندي بصراحه واتمنى ان الموضوع يكون عجبكم
واي واحد عنده اضافات أتمنى انو ما يبخل علينا والله يعطيكم العافيه
.
.

ҳҲҳ كورسـ لغهـ حجـآزيهـ ҳҲҳ 644

و في النهايه أقول أهل مــــــــــــكـــة حمــــــــااااام

و مالي شغل بالباقي

احـــــلي شئ مالي شغل بالباقي هع هع هع

اسلموووووووا على الكورس

بس المشكله كولنا عارفينو

امشي نشوفلنا ناس من برا ونختبرهم
TOFFEL

وانا متاكده انهم راسبين ههههههههه

اضافه :

حــتى مثلا لما بيسب واحد قدامك بيقولو(حمار والا كلب )بيقول حمار البعيد عنّك

يا هلاااااااا ببنات مــــــكـــــــــ02ــــــــــة مرحبمبم بم بم بم طاااااااااااع tongue

ياهوووووه ان شاء الله اندر لكم اللهجة الجنوبية خصوصا الزهرانية07
بس شوفو ترا منطقة الباحة بعض المؤرخين يضمها للحجاز بسبب قرب المسافة
ولاحظت هذا الشئ فــــــــــــــي: تشابه بعض الكلمات
مثل:
اندر
الكرتة
الكندرة
المغراف
المداريه
الباطرمة
الدكة
زنبيل
زلطة
اهبدك:اخبطك
حق :بضم الحاء وتسكين القاف مع القلقلة Razz

تطلع علبة

ملاحظة:مو عشان احنا لنولدنا في المدينة وتربينا في مكة صار كذا كلامنا ؟؟؟؟؟؟ لااااااااااا
كلام اجدادي كذا من زماااااان

شكراااااااا
وجايتكم باللهجة الجنوبية بعد الرجوع لمصادري الخاصة bounce

دمتم بحفظ الله.

اقتباس :: وجايتكم باللهجة الجنوبية بعد الرجوع لمصادري الخاصة

هع هع في انتظاركـ <<<مع اني مااتوقع بيكون في رد

أضافه ثانيه flower

دندون=حلو
رز معدوس =رز بالعدس

موضوع: هذ الرد الخميس فبراير 12, 2009 7:53 am

ليييييييييييييش مافي رد يااااااااااا ؟؟؟؟؟؟؟؟؟؟؟؟؟؟
بس بس خليني ساكتة Twisted Evil

المهم

اهمم الكلمات اللي يقولونها بكثرررررررررررة

افلح*اذهب* ماخوذة من الفلاح يعني روح الله يوفقك <<<شفتو الذوق

هب لي *اعطيني<<<قال تعالى (ربنا هب لن من ازواجنا وذرياتنا قرة أعين)

ميدي*قصدك علي<<<<زي اهل نجد

السابلة*الطريق<<<ماخوذة من ابن السبيل اي المسافر في الطريق

ما تبصر*ماتشوف<<<<عد ما يحتاج تفسير البصر

ذماه*معفن <<اي مذموم

هيلة*حلوه<<<ماخوذة من طيب رائحة الهيل

أبى*رفض<<ماخوذه من الايباء والمنعة

صبيه*بنت شباب

كهلة*عجوزه

شيبه*عجوز

ألمح*انظر <<<يقولون لمحتها شفتها

طيطي ميطي*رايحه جيه<<<خخخخخخخخخخخ مدري من فين ماخوذه

Question

اقفت*راحت<يعني شفت قفاها

وغيرها كثييييييييييييير
اجمعها واجيبها

مودتي

جوووووووووووودي

Rose كتب:: احـــــلي شئ مالي شغل بالباقي هع هع هع

اسلموووووووا على الكورس

بس المشكله كولنا عارفينو

امشي نشوفلنا ناس من برا ونختبرهم
TOFFEL

وانا متاكده انهم راسبين ههههههههه

اي مالي شغل بالباقي ..

اهم شي اهل مكه Laughing

راسبين مافيها كلام .. دامنا احنا اللي علمناهم Very Happy

نورتي قلبو ..

Rose كتب:: اضافه :

حــتى مثلا لما بيسب واحد قدامك بيقولو(حمار والا كلب )بيقول حمار البعيد عنّك

وً آحلًى آضًـآفه ..

نًورتٍي للمًرهـْ آلثآًنيهْ

ماأتوقع انكم تبغوا تعرفوا الغه الحجازيه بعد زعفراني drunken

ههههههههههههه خليكي ساكته لاعاد تذكريني زعفرانـــــــــي!!!